Rawngbawlna: Lal Isua atangin

EVANGELISM LEH EVANGELICAL CELL

I. Evangelism: Evangelism hi mizo \awng ang mai a kan hman lar a ni a, A awmzia chu Chanchin |ha puang chhuak emaw Chanchin |ha duhsak taka midangte hnena pe chhuak sawina a ni. He thumal hi Thuthlungthar ah vawi 52-lai hman a ni. Chanchin |ha puan chhuah dan hi chi hrang hrang erawh a awm thei a, mahse Thutak erawh ahliah tur a nilo. A hlawhtlin leh hlawhtlin loh pawh hi teh harsa tak a ni.

          Evangelism awmzia leh chungchang hrim hrim ah hian ngaihdan a in chen vek lova, mahse, LalIsua chhandamna chungchang anih thu ah chuan ngaihdan a kal hlawm viau thung. |henkhatin Thlarau lam thil, Pathian ram lo thlen chungchang chauh sawi nan an hmang a, \henkhat erawh chuan tisa lam mamawh, nitin khawsak lam thil an huam tir bawk. Engpawhnise, Evangelism in a tum bulpui ber chu Pathian ropuizia puanchhuah te, LalIsua thupek zawm pawimawhzia te, Pathian khawngaihna avanga lawmthu sawi pawimawhzia leh ringlote chanvo tur rapthlakzia puanchhuah leh hriattir te hi a ni.

          Engpawhnise, Congress on World Evangelisation, Lausanne khawpuia Kum 1974 a neih in hetiang hian a sawifiah a, “Evangelism awmzia  chu Lal Isua Pathian lehkha thu ang a kan sual te avanga a thih a, a thawhleh thu te, an sualte sim a, amah ringtu a piangte ngaihdam an nih thu puanchhuah hi a ni”. Chutihlai chuan Isua ringtu chuan zui man pek a \ul thu, chhandamna chu a thlawn a dawn ni mah se a dawngtu chuan mahni inphat a kraws pu a zui tur a nih a huam vek a ni.

II. Evangelical Cell: Evangelical Cell chu Evangelism ti hlawhtling tur a hma latu pawl ti a kan sawi \hin hi a ni.He Evangelism hian a tum ber ni a lang chu K|P thiltum pali te hi a ni nghal vek mai. A bik takin kan innghahna ‘Rawngbawl tura chhandam’ tih hian Evangelical Cell tello a tihhlawhtlin a harsat zia a sawi chiang khawp mai.

          Tichuan, Evangelical Cell-in a tum ber chu K|P hand book phek 5-na para hnihna in a sawi angin sual vanga mihringin a dinhmun dik tak luah zo lo a Pathian a hriat dan leh khawvel a hriat dan te, amah a inhriat dan leh midang a thlir dan fiah lo zawng zawng thlir dan dik leh hmuh dan dik neihtir leh a ni ber a ni. Nawm chakin hrehawmah an lut a, hlim chakin lungngaihna an tawngbua a, zalen chak vangin sual bawihah an tang a. Dam man tel tumin sual ritphurin an rum si. Chung zawng zawng kawng dik a hruai a, thil thlir dan dik tak an neih theih nana zirtir leh kaihhruai hna thawk tura pawl dingte chu Evangelical Cell-te an ni.

III Evangelism atan a hmalakna: Kan Branch in Evangelical Cell kan din hma a\ang daih tawh khan Evangelism hi kan hmalakna pui ber ani reng tawh a. Kan programme leh thil tih reng reng hi ‘mi hla te hnuh hnaih nan’ kan ti \hin. Tunlai a thu lar tak pakhat chu ‘thil thar hmuh chhuah tam ai chuan a titu thar a pawimawh zawk’ anti \hin a, a dik khawp mai. Mahse, kan thiltih in Evangelism lam a hawi loh chuan kan tihdan phung pawh kan thlak ngam emaw kan belh ngam emaw a ngai a ni. Rawngbawltu/K|P hruaitu/Active member pawh ni ila, he pawl thianghlim a kan tel ve anih chuan Evangelism hi kan hnapui ber ani tih kan hriat a pawimawh khawp mai.

          Evangelism hlawhtlinna atan hian hma kan la nasa tawh khawp mai. Mahse, kan ngaihtuahna kan sen nasat leh kan tha kan thawh nasat ang hi chuan a hlawkna kan tel tam lovin a lang. Chuvang chuan a tihdan phung nge diklo a atitute tih hi kan in zawhfo a \ul a ni. He rawngbawlhna hi thil namai a nilo a, hna harsa leh khirh a ni. Thih leh dan inkar, vanram leh hremhmun kawk a ni. Tih tak tak na nen lo chuan he hna hi thawh chi a ni lova, thlarau lam indona anih avangin phurna leh peih chin, chak chin leh duh tawk chin pel rawk khawp a chet a ngai a ni. Heng mi hlate hnuk hnai tur hian an duh ber duh loh tir a, an ngainat ber kha ngainat tlak a ni lo tih an hriat a, an ngaihsan thlaksak a \ul a ni. Heng te hi hre reng ila:-

1.    Tih tak zet a \ul: Pawnlawi te a thawh chi a nilo a, takna atelloh chuan a hlawhtling ngailo ang.

2.    Dawhtheihna leh zaidamna: Kan thu leh hla ngaithla duh lovin sual kawng zawh lui ngar ngar mahse chhandamna anduhlo tihna ani chuanglo, Dawhtheih tak a um zui a \ul chang a awm \hin. Phunchiar leh midang sawisel peih tan rawngbawlna hlawhtling a awmlo.

3.    Hmangaihna: Taksa, rilru leh thlarau lam a hliam tawk annih avangin anmahni hmangaihtu chauh an mamawh.

4.    Inpekna: Inpekna nen a thawh a ngai, peih chin leh phur chin pelh angai.

5.    Insenso: Hun leh tha bakah, sum leh pai thleng pawh a in senso inhuam angai.

6.    |awng\aina: Theihtawp a rawngbawlna hian a chhanchhuaklo, anmahni chhanchhuak theitu LalIsua kan pan hi angai a ni.

7.    Thalarau Thianghlim: He indona hi mihring tan ringawt hneh theih a nilo. Kan buante hi tisa leh thisen anni si lo a, Thlarau Thianghlim hnathawh kan mamawh a ni, chu Thlarau chuan keimahni kaltlangin hna a thawk mai dawn zawk a ni.

8.    Inpumkhatna: Thawktute inpumkhatna a pawimawh bawk, Evangelism hi kan thupui ber ani tih hrechiang ila chuan in sawisel hman kan nilo a, midang phut hman a nilo.

IV. Kharna: Engpawhnise, K|P member chuan Evangelism hi a thupui ber ani tih a hriat angai. Intihlim tur leh rawngbawlsak tur nilovin Rawngbawl tur in atel zawk a ni.

          Chuvangin, rawngbawlna hlawhtlin leh hlawhtlin loh emaw K|P in hma a sawn leh sawn loh teh nan pawh Krista hnen a mi kan hruai leh hruai loh te, Kohhran tan mi nghet kan neih thar leh thar loh te hi hmang tawh zawk ila a \ha hle ang. Evangelism thupui ber a neih lohna hmun apiangah phunchiar, insawisel leh innghirngho a awl \hin.

Sawiho atan:-

1.    Member hla kan tihte hnuh hnaihna atan a kan remruatna hrang hrang te hian ahnuk hnai tak takin kan hria em?

2.    K|P huangchhungah member hlate hi kan ko lut thei tawhlo anih chuan an awmna hmunah va panchilh ta ila a hlawkthlak zawkin kan ring em?

3.    Evangelism hi kan Branch ah a hlawhtling tawklo in kan hria em? Engvang nge: Hruaitute vang/ Active member vang/ kan tihdan in a zirlo?