Mapuia Colney VII

“ Hetiang hian Tawngtai rawh u” (Hmeichhe pakhat alo lang a..) Hmeichhia: Ekhai…tunlai chu ka va hlimlo tak  em!! Ka nundan hi a dik tawklo a ni… Bialpa ka nei a, ka hlim tak tak silo, thiante nen zu kan han inho a, hlim chhung a rei chuang silo…Thlanro lamah, Polytechnic an sakna tur hmun lamah te ruatheh tlai khan hlim hmel takin ka leng ve a..mahse a tuk lawk ah ka ngui leh bur si…enge maw diklo hi chu a awm a ni. Ka hlim tur a ni, he khawvelah hian hlim takin ka awm tur a ni…mahse, engtin nge ka tih ang??? Aaaaa…Pathian lam hi bel chhin phawt ila, hlimna tluantling a awm ta a nih leh ka ti fuh ani mai.                 Mahse, engtin nge ka tawngtai ang?….engtin nge Pathian khi ka biak pawh ang le ooooo… (Chutihlai tak chuan music a rawn ri a, Rapper a rawn lut a, a rawn Rap bawk a……music a tawp a) Hmeichhia: Thianpa, min lo tanpui teh, Pathian hnenah tawngtai ve ka duh a, tawngtai dan ka thiam silo a…minlo zirtir teh… Rapper: Lungngai mah ta che…’Leng zawng zing a ma

ENGKIM NEITU PATHIAN  I Chronicle : 29:10-14; Estheri 4:12 – 14. Pathian hruaina leh malsawmna zarah tun hun kan lo thleng leh thei ta a, heng zawng zawng hi keimahni theihna leh tlin vang lam a nilo a, Amah Pathian vang liau liau a ni. 1) Pathian hi engkim neitu  ani:           I Chronicle 29:10-19 inkarah hian Davida’n mawi tak mai a Pathian a fakna kan hmu a, he lai a Davida fakna tawngtai hi ngun tak a chhiar chuan Davida hian Pathian hi ava hrechiang tak em…atih theih a ni.           Davida khan Temple sa chak viau mahse Pathian in Solomona kutah a dah ta zawk si a, chuvangin Temple sakna tur chak lakkhawm mai kha atih theih tawk a ni. Davida hi lal ropui, rorel thiam tak a nih avangin Israel ram kha a hausa hle a, sumdawnna lam te kalpuiin sum tam tak a thawk chhuak a ni. Davida khan sawrkar sum ringawt hmang pawh khan Temple ropui tak a sa thei ang tih a hria a, mahse mipuite kha sum leh pai thawh ve turin a ngen tlat lawi si a ni. Engvang nge niang? Davida khan

Beiseina                     Vanduaina leh harsatna ten a siruklaa min han tlakbuak tak tak hi chuan ‘ Pathian hi khawnge a awm le..? ’ tih mai awl tak a ni \hin. Kohhran inzirtirnaah leh kan Bible-ah ngei pawh Pathian inpuanna, thlamuantu leh \anpui vartu hnai reng anih zia sawi kur dup thin mah ila, manganna chhumpuiin min han chim \ak \ak a, kan nun leh kan chhungkua a han suasam meuh chuan Pathian \anpuina beisei chu sawi loh, ‘ Pathian pawh hi a awm tak tak em le? Mihringte zeldin chawp mai mai a ni lo maw..? ’ tih inzawh ruk neuh neuh chang a awm fo \hin. Chutih rualin mihring theihna leh thiamna lo sang chho zel hian Pathian kan mamawhna min paihthlak sak ve hret hret thei tho mai.   ‘ Pathian hi a thi tawh maw ?!’           Friedrich Nietzsche ( 1844 –1900), German mi thiam pakhat chuan kum 1932 khan, “Pathian hi a thi tawh a, kan that daih tawh a ni ” a lo ti tawh a. Chu chuan Kristian khawvelah ngaihdan a tiphir nasa em em a, mi tam tak Pathian rinna a pheh s

“Hei zet chu (h) !!!” Lalramluahpuia Colney. Chhiahtlang Pastor Bial KTP Half year meet leh Bial zaipawl silver Jubilee chu kan hmang liam leh ta reng mai a,hun chinchhiah tlak leh hlim awm anih rualin hmasawn kan la ngaih zia min hriat thar tirtu, thlarau leh tisa lam a hlawkna kan channa ni thei se la a duhawm khawp mai. Engpawhnise, a kil hrang hrang hrut kual zawngin han chip nawn leh teh ang... 1.       A dawngtu Kohhran inbuatsaihna a tha : Venghlun Kohhran inbuatsaihna a tha tih ahriat khawp mai. Uniform, ei leh in, Bawlhlawh bawm, stage chei dan leh banner ah te, faina lam leh Usher/receptionist-te chevel zawng zawng te kha fak loh theih a nilo, “ Hei zet chu (h) ” tih tur a tam khawp mai. Engpawhnise, Meet (ti tawh mai ang) lo dawng tawh te zingah chuan inbuatsaihna nei tha pawl tak chu anni e. 2.       Khualtha kan thleng : Speaker atan a kan sawm Rev.Vanlalzuata leh kan Synod Zaipawl (kan koh danin) te an fuh khawp mai. “Thalaite leh Kristian Chhungkua” tih thupui

AMEN             ‘Amen’ tih tawngkam hi ‘AMAN’ tih atang a lo kal ani a, ‘ Ni rawh se/chutiang chu a ni e/ a dik e/nghet takin ka pawm e/chutiang tak chuan ka chungah thleng rawh se ’ tihna ani. Engpawhnise, a tawi zawngin ‘ Ring/pawm/innghat ’ tihna anih chu.             Israel te’n an hman danah chuan miin thutiam anneih lai te, malsawmna an sawi laite, an chhia anlawh laite, an tawngtai leh Pathian chawimawina thu an chham laite in alo nemngheh nan ‘Amen’ an ti thin.             Thuthlunghlui ah Pathian hming atan ‘Amen’ tih hi vawikhat hman a ni a (Isaia 65:16), Mizo Bible hian RSV a zui avangin ‘thutak Pathian’ tiin a dah a, lehlintharah chuan ‘Pathian Rinawm’ tiin a dah thung.             Thuthlungthar ah hian hmanna chi dang pahnih kan hmu a:- -           Isua nihna (title) atan (Thu.3:14) -           Isua’n thu a sawiin a thusawi chu atih tak zia lantir nan ‘amen’ emaw ‘amen, amen’ tih a hmang thin. Mizo Bible ah erawh chuan ‘tih tak meuhvin’ tiin a dah a, lehlint

Krismas diktak ( Johana tarmit a\angin ) “ Tin, thu chu tisaah a lo chang a, kan zingah a lo awm ta a . A ropuizia kan hmu, Pa Fa mal neih chhun ropuina chu, khawngaih leh thutakin a khat ”.           Chanchin\ha bu pali kan neih zing a pakhat ziaktu(?) Johana hian tarmit a bun leh bun loh  chu ka hre bik hauhlova , mahse kan Lal Isua pian chungchang (Krismas) hi Chanchin\ha bu dang anglo tak a asawi avangin tun \umah hian thlirna tlang dang a\angin kan chhui bing dawn a ni. Thu chu tisa ah : Johana hian, Mathaia leh Luka te anglo takin, Lal Isua lo pianthu hi chaw\ani tel miahlovin min hlui nghal a. Chanchin\ha bu dangte hian Lal Isua lo pianna chu Bethlehem anih thu chiang takin an sawi a, Bethlehem chu stage a hmangin Lal Isua min hmelhriattir a ni. Mahse, Johana erawh chuan Lei leh van boruak pumpui (universe) stage a hmangin Lal Isua pianthu min hrilh zawk a ni.           Chuvang chu ani mahna, Johana hian Berampute, Khawchhak mifingte, Arsi leh Van Angel zaipawl sawi

Rawngbawlna: Lal Isua atangin (John 12:26)              “Rawngbawlna’ tih hi Lal Isua hnen atangin a awm ze diktak kan ngaihtuah ho dawn a ni a,  ‘Kohhran a ka rawngbawlna ah hian thawk tha tawk niin kan inhria em le? Rawngbawlna awmze diktak hi kan ngaihtuah ngai em? Nge Kohhran in chanvo min pek te ka hlen chhuak thei vek a...’ka tha thlawt a lawm’ kan ti dawn. Bible a kan hmuh;Lal Isua rawngbawlna ngei atang hian mahni teuh inteh ang u.             Rawngbawltu kum tam fe lo ni tawh tan pawh hian ‘Rawngbawlna’ awmzia diktak hi a hriat loh ve theih viau a, chutiang bawkin thalai zawk ah te pawh mahni hma  a tihtur hlen mai avang a Rawngbawl tha in ti ta em em pawh hi a awm ve theih tho mawle. Rawngbawlna awmzia : Rawngbawlna han tih teh tawp chuan a kawk zau thei viau awm e, Bible in ‘Rawngbawltu’ tih tawngkam ahman hi  Chhiahhlawh, tirhkah,  bawih sawina tawngkam ve tho ani a. Tin, Rawngbawltu han tih tawp chuan choka a eirawngbawltu, ruaitheh fatu, thil tih tur bik ruat a

EVANGELISM LEH EVANGELICAL CELL I. Evangelism : Evangelism hi mizo \awng ang mai a kan hman lar a ni a, A awmzia chu Chanchin |ha puang chhuak emaw Chanchin |ha duhsak taka midangte hnena pe chhuak sawina a ni. He thumal hi Thuthlungthar ah vawi 52-lai hman a ni. Chanchin |ha puan chhuah dan hi chi hrang hrang erawh a awm thei a, mahse Thutak erawh ahliah tur a nilo. A hlawhtlin leh hlawhtlin loh pawh hi teh harsa tak a ni.           Evangelism awmzia leh chungchang hrim hrim ah hian ngaihdan a in chen vek lova, mahse, LalIsua chhandamna chungchang anih thu ah chuan ngaihdan a kal hlawm viau thung. |henkhatin Thlarau lam thil, Pathian ram lo thlen chungchang chauh sawi nan an hmang a, \henkhat erawh chuan tisa lam mamawh, nitin khawsak lam thil an huam tir bawk. Engpawhnise, Evangelism in a tum bulpui ber chu Pathian ropuizia puanchhuah te, LalIsua thupek zawm pawimawhzia te, Pathian khawngaihna avanga lawmthu sawi pawimawhzia leh ringlote chanvo tur rapthlakzia puanchhuah leh