Rawngbawlna: Lal Isua atangin

Krismas diktak (Johana tarmit a\angin)

“Tin, thu chu tisaah a lo chang a, kan zingah a lo awm ta a. A ropuizia kan hmu, Pa Fa mal neih chhun ropuina chu, khawngaih leh thutakin a khat”.

          Chanchin\ha bu pali kan neih zing a pakhat ziaktu(?) Johana hian tarmit a bun leh bun loh  chu ka hre bik hauhlova , mahse kan Lal Isua pian chungchang (Krismas) hi Chanchin\ha bu dang anglo tak a asawi avangin tun \umah hian thlirna tlang dang a\angin kan chhui bing dawn a ni.

Thu chu tisa ah: Johana hian, Mathaia leh Luka te anglo takin, Lal Isua lo pianthu hi chaw\ani tel miahlovin min hlui nghal a. Chanchin\ha bu dangte hian Lal Isua lo pianna chu Bethlehem anih thu chiang takin an sawi a, Bethlehem chu stage a hmangin Lal Isua min hmelhriattir a ni. Mahse, Johana erawh chuan Lei leh van boruak pumpui (universe) stage a hmangin Lal Isua pianthu min hrilh zawk a ni.

          Chuvang chu ani mahna, Johana hian Berampute, Khawchhak mifingte, Arsi leh Van Angel zaipawl sawilanglovin “Thu (Word) chu tisa ah alo chang (Pathian chu mihring ah alo piang)” tiin zau hek hawk, thuk leh ril siin a sawi zawk a ni. Chanchin\ha bu ziaktu dangte chuan Lal Isua thlahtute an chhui a, Juda mi ngei anih zia te, thlahtute a\ang reng a Pathian ruat anih thute leh Bethlehem (Judai ram ami) a lo piang ngei anih ziate min hlui a, Juda pa tan chuan a chiang viau awm e. Mahse Johana erawh chuan Juda pa tan chauh nilovin khawvel ( ahunlai a khawvel) hriatthiam theih turin min hlui zawk a ni.

Hman sual hlawh krismas:

          Hun rei tak a\ang khan Krismas hi a nihna hliah bo lek lek in hman ani tawh a. Naupan lai a\ang tawhin Dawhthlak leh Baloon, thuamhnaw thar tello chuan Krismas hi kimlo tlatin kan hre \hin. Halpuah leh halmawi tellova Krismas kan hman \an te pawh kha ala reilo, puilo leh kimlo riauin kan hre fur ani lawmi kha? Krismas alo thlen dawn chuan kan rilru ah thuamhnaw thar, Krismas card, present, Krismas tree, Ar kan, Ruai \heh thlengin alo lang \hin a, kan Carol a, Advance Christmas thlengin kan lo hmang lawk \hin. Heng zawng zawng hi a\ha vek e, Krismas in a ken tel ve reng pawh niin a lang e!. Mathaia te, Luka te pawh khan Berampu te, Arsi leh Khawchhak mifingte, Van zaipawl te pawh Krismas min hlui rual khan min \heh tel ve tho alawm!!.

          “Vawikhat nu pahnih hi Restaurant ah an chawl dun a, engemaw lawmnei ni awm tak a eng ilo vel an eidun lai chuan mipakhat hian “Enge in lawm a?” tiin rawn zawt a, nu pakhat zawk chuan “Ka fapa piancham pha phak ania, kan lawm anih hi..” tiin alo chhang a, mipakhat chuan “Khawnge ifapa chu?” tiin a zawt leh a, chu nu bawk chuan “ Min tihbuai kan hlau a, inah kan dah” tiin alo chhang a!!!”.

Krismas Nihna diktak:

          Tirhkoh Johana hian Krismas laia thil thleng Berampu, Arsi tih vel lam a sawi ve vak lova, tawi fel leh kimchang tak si in “Thu chu tisaah alo chang a, kan zingah a lo awm ta a...’ tiin min hrilh mai a ni. Chuvangin krismas awmzia leh nihna diktak chu “Pathian mihring a alo chan” hi a ni. Chanchin\ha bu dangin an tarlan zawng zawng, Berampu, Angel, Arsi, Van zaipawl leh Khawchhak mifingte kha lang miahlo mahse Krismas chu Krismas ani tho tho ang. Dawhthlakte, present te, Card te, Ar kan te, Ruai\heh te, thuamhnaw thar te pawh hi awm miahlo mahse Krismas chuan anihna a hloh chuanglo ang. Heng zawng zawng hi chu a kalpui ve lek chauh anni. Nula thianghlim pai a mihring rawn pianthu te hi amak viau a, mahse chu ai chuan Pathian meuh mihring a alo pian hi ani mak zawk chu.

          Chuvangin, tun \um a Krismas kan hman leh turah hian Krismas diktak ngaihtuah thar ila, kan lawm chhan ber LalIsua hi hnawksak ti a dahbo mai lovin Pathian mihring a arawn channa, Chhandamna min rawn thlensak hi ilawm \heuh ang u.