Rawngbawlna: Lal Isua atangin

Rawngbawlna: Lal Isua atangin (John 12:26)

             “Rawngbawlna’ tih hi Lal Isua hnen atangin a awm ze diktak kan ngaihtuah ho dawn a ni a,  ‘Kohhran a ka rawngbawlna ah hian thawk tha tawk niin kan inhria em le? Rawngbawlna awmze diktak hi kan ngaihtuah ngai em? Nge Kohhran in chanvo min pek te ka hlen chhuak thei vek a...’ka tha thlawt a lawm’ kan ti dawn. Bible a kan hmuh;Lal Isua rawngbawlna ngei atang hian mahni teuh inteh ang u.

            Rawngbawltu kum tam fe lo ni tawh tan pawh hian ‘Rawngbawlna’ awmzia diktak hi a hriat loh ve theih viau a, chutiang bawkin thalai zawk ah te pawh mahni hma  a tihtur hlen mai avang a Rawngbawl tha in ti ta em em pawh hi a awm ve theih tho mawle.

Rawngbawlna awmzia: Rawngbawlna han tih teh tawp chuan a kawk zau thei viau awm e, Bible in ‘Rawngbawltu’ tih tawngkam ahman hi  Chhiahhlawh, tirhkah,  bawih sawina tawngkam ve tho ani a. Tin, Rawngbawltu han tih tawp chuan choka a eirawngbawltu, ruaitheh fatu, thil tih tur bik ruat a thawktu tihna a ni a, Eirawngbawltute, fatute hian anthil siam kha anmahni tui tihdan, duhdan te ringawt ngaihtuahin han siam ta se la, a eitu tur, ruaitheh tur te tan chuan atuilo viau mai thei a ni. Chuvangin, eirawngbawltu te, fatu te hian an ngaihtuah ber chu an thilsiam eitu tur te tui tih zawng leh duhdan zawk kha ni thin ani. chuvangin Rawngbawlna tih awm zia diktak chu ‘midang tan nun/midang tan a thil tha tih’ tih a ni.

            “Aizawl lam a kan thian pakhat, thingpui ilo vel kan in thinna ber ah hian kan lenluh tawh chuan Thingpui min lo pe ziah thin a. Annau kha thingpui lumtu ber a ni a. Kan lenluh hian thingpui thlum lip lep, a hang ti dawn ila thlum tel ve bawk si, a thlum ti dawn ila hang deuh reuh si hi min lo pe thin a,  kan tlangnel hnu deuh chuan ‘in thingpui hi a laklawh lutuk, thingpui tuai ani ringawt alawm, rawn thlum law law la, anih loh paw’n hang law law rawh se’ kan ti a, a siamtu ber chuan ‘khatiang kha thingpui tui dan ber alawm...’ a rawn ti leh a, mahse chumi tum chuan a hma aiin kan inthlum ta deuh. Mahse, ahnu zel ah erawh chuan thingpui tuai chu min rawn hlui zui leh ta tho a.

            Rawngbawltu chuan ama phur chinah, nuam tih chin ah leh peih chin a rawng a bawl chhung chuan rawngbawltu hlawhtling ani ngailo ang, a rawngbawlna kha midangten an ei hauhlo bawk ang. Chuvangin Rawngbawltu chuan midang tan a nun ape tur a ni, mahni tanghma hai aremlo a, amah kha no.1 ah a awm thei tawhlo tihna anih chu.

Tu rawng nge kan bawl?:

            Joshua chuan Israel mipui te hnenah tu rawng nge an bawl dawn?tih a zawt a, amah vekin Pathian rawngbawl atum thu leh chutah chuan a chhungte zawng zawng pawh an tel vek thu a sawi a, keini hian tu rawng nge kan lo bawl ve le?

            Mahni chauh a inluah thin ka nia, khatih hunlai khan eirawng ka bawl reng reng in tui ka tih dan ber zelin chawhmeh ka siam thin, a chhan chu ka eisiam kha midang eitur anilo a, rawngbawltu eitur tho anih avangin ka duhdan ang tak a ka siam kha adik reng a ni. Mahse, Pathian rawngbawlna ah hian thil pathum inkawp tlat a awm: Pathian, rawngbawlna neitu, rawngbawltu, atawp berah chuan rawngbawl sak a te an awm ani. Chuvangin Rawngbawlna neitu duhdan in midangte ah rawng kan bawl tur ani.

            Mi thenkhat chuan Kohhran rawngbawlna leh Pathian rawngbawlna hi an sawi hrang thin, sawi hran duh chuan atheih tho mai. Mahse, thliarhrang lovin Pathian rawng hi Kohhran huang chhung atanga bawl tur a ni, chumi awmzia chu Pathian tan nun pumpui hlanin Kohhran huang ah rawng kan bawl tur ani tihna ani.

Lal Isua rawngbawlna:

            “Tu pawh ka rawngbawl duh chuan mi zui rawh se..”kan Lal Isua khan atia, a rawngbawltu chuan amah kha a zui tur a ni. A awmzia chu Pathian rawngbawl hi Lal Isua zui nen thuhmun reng a ni. Chuvangin Rawngbawlna diktak kan duh anih chun Lal Isua kan zui mai tur a ni a, rawngbawltu chu Lal Isua kalna ah akal ve tur tihna ani. Lal Isua kawng zawh hi kan sawi vek senglo a, kan in enlet nan leh kan hriat awlsam nan tlem te chauh kan thur chhuak hrih dawn ani:

1.      Tlawmna/hnuaihnunna kawng: Lal Isua kha lei leh van lalber a ni a, tlawmna tello chuan atan hringnun rawn tawm theih a nilo. Chumai anilo, Khawvel lalte anga hausa leh nuam in apianglo a, mirethei te nundan a tawm zawk a ni.

2.      Midangte tan a nun: Thlaler a thlemna atawh khan Lal Isua lung kha chhangah a chantirlo, a thiltihtheihna kha ama puar leh fan nan ahmanglo. Mipui sangnga eitur atan a hmang zawk a ni.

3.      Dawhtheihna kawng: Lal Isua khan dawt a hekna, sawiselna te kha ava tuar hnem tak em!! Thiamthu han sawi zeuh ta se la chhandam kan ni kherlo mai thei. Mahse dawhthei takin atuar fan fan a, atuar chhuak a, hnehtu ani ta zawk a ni.

4.      Chak loh zawk kawng zawh: Getsemani huan ah khan Lal Isua’n “ atheih hram chuan he no hian min pel lul rawh se..” tiin thlan thisen anga far zawih zawih khawpin a tawngtai a, a huphurh ve a ni. Mahse, kha kawng kha a zawh tho.

5.      Lansarh atumlo: Isua khan a zirtirte hnenah vawi duailo anihna zep tlat turin a hrilh chamchi a, chawimawina leh ngaihsanna, lansarh tumna kha Lal Isua ah a awmlo hrim hrim a ni.

6.      Inpumpekna kawng: Lal Isua kha a inpumpek tawp a, a thih chilh hial ani. Ama duhdan leh nuam tih lam nilovin, rawngbawlna ah khan a inpumpek hmiah ani.

Awle, Lal Isua rawngbawlna, a kawngzawh kan hre ta a, he kawng hi kan zawh velo anih chuan Rawngbawltu dik tak kannilo tihna ani mai. Tin, he kawng hi kan zawh peih dawnloh chuan rawngbawlna ah hian phat ngam mai atha ka ti, kan tlinloh zia te, kan that tawkloh zia te hi Pathian hian ahre chiang lutuk, mahse kan tih theih tawk hi theih tawp chhuah a ti ve turin min duh mai a ni.

“Mifing pui pui 10 ai chuan mi inpe pakhat ahlu zawk’ tih te hi Pathian rawngbawlna ah pawh hian a dik hmel viau mai.