Ni tlak thleng thlengin thinrim suh u

                                                 Ni tlak thleng thlengin thinrim suh u

Eph.4:26,27; Mat.5:21-24

Thinrim te, thinur te hi mihring mizia pakhat hi a ni ve a, vawi khat mah la thinrim miah lo, nui ver ver reng mai hi kan awm kher loving. Bible in Thinurna chungchang min zirtir dan hi LalIIsua thusawi leh Tirhkoh Paula zirtirna atangin kan ngaihtuah ho ang.

Thinur chungchanga Paula zirtirna leh LalIsua thusawi a in kalh em?

            Eph. khuaa lehkhathawn ah chuan “Thinrim mah ula, thil sual ti suh u” tih thu kan hmu a, Tlang chunga LalIsua thusawi ah erawh “Mahni unau chunga thinur chu a chungthu rel tur a ni” tih thu kan hmu leh si a, Isua thusawi hi Paula hian a rawn kalh a ni tih mai theih a ni.

Thinur: Lal Isua khan Mahni unau chunga thinur chu a chungthu rel tur a ni; a unau ‘mi chhawihpa’ ti chu Sanhedrin-a rel tur a ni ang; a unau ‘mi a pa’ ti phei chu hremhmun meia kal tlak a ni a ti.

            Helaia Unau tih hi  Pianpui unau sawina a ni thei a, thisen inzawm nilo inhnai tak si sawina a ni thei bawk. Bible hian pawl khata thurualpui, thisen zawmpui ni kher lo te sawi nan hian a hmang nasa ber a. KTP huanga member-te pawh Unau ang kan ni tihna a nih chu.

            Mi chhawihpa/Mi a pa tih hi a hunlaia tawngkam chhia, inhmuhsit tawp khawk sawina a ni. Tuna kan ngaih ai hian Isua hunlai hian hetiang tawngkam hi a huatthla la zawk. Hming hi angai pawimawh a, chuvangin, hming ngeia inkoh pawh an ngai thutak viau a ni. Chutihlaia, hming pawh nilo, mi chhawihpa/mi a pa tia inkoh kha chu a na hle a ni.

            Lal Isuan Thuthlung Hlui lam dan sawiin tual thah chu sual anih angin mahni unau chunga thinur chu tualthah nen thuhmun a ni a, an chungthu rel tur a ni, sual a ni’ a rawn ti a. Helaia thinur hi thinrim satliah nilo, a ruka thinrim mai mai pawh nilo, Mi chhawihpa/ Mi a pa tia hmusit leh diriam, nuihsawh taka midangte laka thinrim buan buan a sawina a ni.

            He hi Tirhkoh Paula pawh hian rawn sawiin Thinrim chang te, thinur chang te in nei ang. Mahse, Tual thah nena intluk khawpin thinrim suh u. midang te diriam, hmusit vang te in thinrimna nei suh u a tihna a ni. Lal Isua zirtina nen a inkalh lem lo a, Lal Isua thusawi a rawn thual mai zawk a ni.

Thinurna aiin inremna:

            Thinurna/thinrimna hrim hrim hi thil tha anilo chungin kan thinirm fo si a, chuvangin ngun taka ngaihtuah ngai chu kan thinrim chhan hi a dik em? He pa/nu laka thinrimna ka neihah hian ka thiam em?

            Lal Isua ngei pawh a thinrim thu kan hmu, Tempul-a thil zuarte, pawisa thlengtute dawhkan te pawh a nam thluk sak a, a vaw chhuak a nih kha. Mahse, Lal Isua thinrimna kha mahni hmasiallo leh inthunun thinrimna ani.

            Thinurna/thinrimna hi midangte nen kan inkara thleng a ni a, Pawngvina anga engkim mai in a tih thinrim vek ang kha chu kan ni lo turah ngai ang. Dik tak chuan midang te laka kan thinrim chhan tam ber chu kan duhdan te, beisei ang te a an awm loh emaw vang a nia. Kan inhauhna chhan tam ber pawh a hau tu duhdan in a hauh kha a awm loh vang mai zawk a ni.

            Helaia midangte nen kan inkar hi LalIsua pawh khan a ngai pawimawh khawp mai a, Biak In emaw Temple chhunga inthawina hlan ai mahin a dah hmasa zawk zuk nia. ‘I thilpek maichama I hlan dawn lain I unauvin I chungah lungnih lohna a nei tih I hriat chhuah chuan Maicham hmaah I thilpek chu hnutchhiah la, kal langin, I unau chu rem zet la, chumi hnu ah I thilpek chu hlan rawh” a ti. Maichamah hlan thuai thuai la, I hlan zawh ah va rem vat ang che a ti reng reng lo.

            Thinurna/thinrimna chungchang ah mi dang te lakah thinurna ka nei em? tih leh ka lakah midangte an thinur em? mi pawi ka lo sawi palh em? tih hi a pawimawh dan a in ang reng.

            Zanin ah hian thinurna/thinrimna nei sa in kan lo kal em? Kan laka lungawilo, an tih thinrim kan nei em? Lal Isua chuan Biak In atangin chhuak la, va in rem pui phawt la, inkhawm I chhunzawm leh dawn nia min ti. Mi dang laka thinrimna neih te, midang ti thinrim chunga Pathian Biak kha awmzia awm lo a ni. Pathian nen kan inkar a fel dawn chuan kan mihring pui te nen inrema kan awm a ngai. Min rem theilo a nih pawh in kan thinrim chhan te hi dik rawh se, an thinrim chhanah te khan keimahni zawk hi I dik ang u.

Ni in tlakpui suh se: Paula min zirtirna kan sawi tawh, Pathian pawi sawi khawpa thinur a tha lo, thinrim chang te nei ve thin mah ila, midangte diriam leh hmusit taka tawngkam cheh khum te kha tual thah nen thuhmun reng a ni.

            Kan lo thinur a nih pawhin ‘Niin tlakpui suh se” Niin a tlakpui chuan a tukah a rawn chhuahpui leh ang a, kha thinrimna kha kan la pai reng dawn a ni. Engvang nge thinrim reilo tura min tih? Setana hian midang laka thinurna kan neih te hi hmanrua atan a hman vat thin vang a ni.

            Mi thenkhat zu in chhan chu an bialnu te laka an thinur vang te a ni. Mi thenkhat ten nunphung pangngai an hloh thinna chhan chu an thinurna an thunun loh vang a ni. Thinrim hrik thlakna tur hi zawn loh tur. Kan thinur a nih pawhin ngun takin in ngaituah ila, Pathian hnenah thlen ila, .