A tih theih tawk a ti a ni...
“A tih theih tawk a ti a ni”
Marka 14: 3 -9; Mat.25: 14-17ff; luk 21:1ff
Thuhma:
Simon-a: Simon-a tih awmzia chu ‘Pathian in a hria’ tihna a ni a, Bible ah hian he hming putu mi pakua (9) an lang a, tun tuma kan hmuh hi Phar Simon-a, Bethani khua-a mi a ni. Chanchintha Johana ziak ah hian heta thil thleng ang chiah hi Simon-a hming lang silo in Lazara, Mari leh Marthii te ina chaw ei angin a tarlang thung. Engpawhnise, Simon-a hi In neitupa ber niin alang a, Lazara-te pa (father) a ni mai thei.
Alabasta bura Nard hriak rimtui: Alabasta hi hriak bawm hming a ni a, hetiang hriak dahna bur hi lungno atanga siam a ni. Heng lungno hi hmanlai chuan Aigupta atangin an lalut thin.
Nard/Spiknard hi India rama thing chikhat Nardostachys jatamansi zung leh pil atanga an siam rimtui chi khat a ni a. Mi hausa ho in an hluta, a lakluhna a hlat tham avangin aman pawh ato hle. A hunlaiin Duli zathum man bawr vel anih thu kan hmu a, Duli hi Drachma, Grik ho pawisa hming a ni a. Rom-ho pawisa Denarius nen intluk thuak a ngaih a ni. Khatih hunlai khat nikhat hlawhfa rate hi Denarius khat a ni a, Rom sipai ho khan Denarius 20 vel thlakhatah an hlawh thin. Tunlai angah chuan Duli 300 chu Rs.1,20,000 bawr vel a nih hmel.
Isua Hriak Thih a ni:
Kalhlen kut leh Chhang dawidim telh loh Kut a hnai a, chutihrualin, Isua an phiarrukna pawh a hmawr an bawk hnai ve telh telh zel a. Isua erawh Bethani ah Jerusalem-atangin a riak phei leh thung a, hetah hian Simon-a inah a va thleng a ni. Chanchintha Bu-a kan hmuh angin Simona/Lazara-te in hi Isua’n in nghah nan ber a hmang thin niin alang. Lungngaihna hapta an hman pawh khan Isua leh a zirtirte hi Jerusalem-ah nitin an kal a, tlaiah Bethani-ah an haw leh thin a ni awm e. An in ngaina hle niin alang a, Lazara damloh thu an hrilh pawh khan ‘Lalpa, I hmangaih kha a dam lo ve” anti a. Tin, mikhual patling 13 vel dawl zo thei annih chuan Lazara-te chhungkua hi chhungkua awm thei tak leh mikhual lawm thiam tak anni ngei bawk ang.
Tichuan, zanriah an kil ta a, chutia an thut lai chuan thil danglam taka lo thleng a. Lazar-a unaunu mari alo lut a, alabasta bawmah nard hriak rimtui a rawn keng a, bur chu a ti keh a, Isua lu-ah chuan a leih ta a ni. Mari tih hmingpu hi Bible ah kan hmu nual a, Thuthlung Tharah hian mi pasarih lai kan hmu a ni. Mari tih awmzia hi ‘mara’ tih atang lo kal ‘kha’ tihna emaw ‘thau’ tihna emaw ani. Lazara farnu Mari hi a awmdan ngaihtuahin Pathian ngaihtuah keuh keuh chi niin alang.
Chutia Hriak rimtui man to lutuk, Branded perfume, mi hausa tak tak chauhvin an hman thin, intihtheihpui tham khawpa man to chu Mari’n a chhin pawh hawng lem lova a rawn sawhkek pawp mai chu Isua zirtir thenkhatte khan anlo ui ngang mai a, a rim lah chuan room chhung a nam chuk a, chutiang khawpa rimtui chu an vawikhat hriatna ani hial mai thei.
An lo uipui viau mai pawh kha a awm tho mai. Mari khan a chhin hawngin, a kutah tlem bun chhuak se, ren tak chungin Isua samah han chulh sela chuan sawisel pawh a tawk kherlo ang a, tin, Isua zirtirte lu-a te pawh han chulh kual ve dan dan tur a nia! Anni zin veivak nasa, thawmhnaw tha pawh nei zolo, vak kual reng reng tan chuan chutiang hriak rimtui han inchulh ve te pawh an chak a ni mahna!
Mahse, Mari lah chuan a rawn sawh keh a, a zavai mai chuan Isua lu ah a rawn chulh ta vek mai sia, a rim bak chan annei ve ta lo a ni. Tichuan, an phun deuh ta sep sep mai a, Isua lawmpui emaw Mari han fakna lam ai chuan chutiang thil manto chu hralh ila, mirethei hnenah pek a fuh zawk an rinthu te chu an lo phunpui a ni awm e.
Mari’n a tih theih tawk a ti:
Isua’n hnunglama an phun deuh sep sep thawm chu a hria a, a khak ta a. ‘Mari hian a tih theih ang chu a ti a ni’ lehlin hlui ah chuan ‘a tih theih tawk a ti a ni’ a ti. A hrim hrim in Isua zirtirte pawh hi an phunchiar ve reng reng. Patlinga pumpa, tlangval annih paw’n senior lam annih hmel a, perfume chungchang lo khel ve chiam chiam kha an inhmehlo. Kha leh chen Isua lo zui tawh, a thil mak tih pawh lo hmu a, a ropui zia pawh lo tem tawh an ni a, an hotupa, an boss tan chuan thil tha ber duhsak awm tak annih vei nen? Thik ang ziazangin hnunglamah an sawisep sep a, amak ngawt mai!
Helaia Isua tawngkam ‘A tih theih ang a ti/a tih theih tawk a ti’ tih hian Mari dinhmun a sawi chiang khawp mai. ‘tih theih ang/tawk tih’ awmzia chu ‘hei chu ka ti ve thei alawm, hei hi chu ka tlin ve alawm, ka tih ve tur a lawm’ tih satliah piah lam a ni. ‘Hei hi ka tih theih sang ber ani, theihtawp ka chhuah chunga ka tih a ni’ tihna a ni a, a awmzia berah chuan ‘Tihngaihna hriat tawh loh thleng rawka khawpa theihtawp chhuah’ anih ber chu.
Kan naupan lai hian kan zirtirtu pakhat hian ‘theihpaling kawh’ piahah hian ‘theihpa vit vawt’ a awm a tia. Chutiang ang deuh chu a ni. Mari khan theihtawp a chhuah a, a tihtheih sang ber Isua chungah a ti a, a lehpek a awm tawhlo. Tin, helai thu ‘a tih theih tawk a ti’ ‘ti’ tihlai tak hian rilru lama vei, chhungril lam tanga thahnemngaihna thlengin a kawk tel a ni. Hei tak hi a ni, Isua a duh a, a lawm em em nachhan chu.
Mari te kha chhungkua harsa lutuk chu annilo ang kan ti tawh a, mahse khatiang hriak rimtui man to, tunlai huna Rs. 1,20,000 bawr vel man tur han sawh keh pawp pawp tur khawp chuan an hausa biklo tawp ang. Isua tan alo inkhawl ang a, thil man to leh hlu lutuk chu lei tumin alo in hlawh ve tauh tauh pawh a ni mai thei. Rom sipai thlakhat hlawh kha Rs.8,000 bawr vel ani a, chuti anih chuan an kum khat hlawh ai paw’n a tam tihna a nih chu!
Chutiang khawpa nasa chuan Mari khan theihtawp a chhuah a, a bak beisei theih a awm tawhlo, han che leh chuang tur pawh a awm tawhlo, mahse, Isua lawm zawng tak thil a tih phah ta a ni.
I tih theih tawk I ti ve em?:
Kumin kalta ah hian kan tih theih tawk kan ti ve em? Hmeithai thawhlawm thawh thu te kha ngaihtuah ila, dar pawisa pahnih a rawn thlak a, a tlem a nia. (Luke 21:1ff) Khatiang dar pawisa 96 khan duli pakhat a hen a, tlem tak a ni. (Duli pakhat hi Rs 400 angin chhut tai la, dar pawisa pakhat hi Rs 4 bawr vel ani ang). Mari hriak rimtui ngaihtuah chuan Isua khan tlem ti viau awm tak a nia, mahse ‘a tih theih tawk a ni’ a tih sak tho. Mari leh hmeithainu te kha tlar khatah a thut tir tho. Eng nge a chhan? Anmahni tawkah theihtawp an chhuah ve ve vang a ni.
Kohhran mite pawh hi kan tih theih zawng, thiam zawng leh theih chen a in ang kherlo ang. Mahse, a pawimawh ber chu ‘theihtawp I chhuah em?’ ‘I tihtheih tawk I ti em?’
Rawngbawltu I ni: 2020 atan Kohhranin rawngbawltu a ruat chhuak leh ta a, kan pawm tlang niin alang. He rawngbawlna ah hian thenkhat chuan Mari tih theih anga nasa kan ti thei anga, thenkhat erawh chu hmeithainu thawhlawm thawh theih tawk lek pawh a niang. Mahse, atam leh tlem emaw, a to leh tlawm emaw, a nasat leh nasat loh lam nilovin kha rawngbawlna chanvo an pek ah che khan I tih theih tawk I ti em? theihtawp I chhuah em? tih kha kan Lal Isua tehna lek tur a ni.
Theihtawp chhuah lemlo, a run dala ti, ti hlawhtling ve hram hram zel chung hian rawngbawltu a nih ve reng theih. Mari aia hausa te chuan Alabasta bawm sawm pawh an sawh keh thei mai thei, hmeithainu aia thawh tam thei pawh kan kat nuk ang. Mahse, kan tih theih sang ber a ni em? Theihtawp kan chhuah em?
Thuhriltu te hian Pulpit tlangah theihtawp kan chhuah loh thu sawi nan inbuatsaihna leh inhlanna kan neih that loh thu kan la au pui zel dawn em? Tantu te hian kan hun chhuak te hi ngai pawimawh lovin kan inkhawm loh san zel dawn em? Sunday School zirtirtu te hian inbuatsaihna nei mumal lo leh thahnemngai lem lovin a bu kan chhiar chhuak leh puat puat mai dawn emni? Kohhran Hmeichhia, KTP, leh Pavalai Pawl hruaitute hian theihtawp chhuaha hruaitu hna thawh kan tum em? Committee peng hrang hranga ruat chhuah ho te hian a khat mawi tawka thurel satliah ah kan lungawi leh mai mai zel dawn em? Hawh u, theihtawp I chhuah ang u. Keimahni-a theihna sang ber, kan tih theih tawk ti chungin rawng bawl ila, Pathian in mal a sawm em em ang.
Tawng mawilo nilo se, Rawngbawltu chanvo pawimawh chelh si, ti tha peih silo, pha duh bawk silo hian a ni rawngbawlna ti thuanawp thin chu ni! Rawngbawltu inhlan kan nei leh ang, Biak In chhung khat deuh hmur in kan thu leh ang. Mahse, Kohhran inkhawm pangai ah erawh kan khat leh pharh ang. Rawngbawltu nihna ah kan pha silo anih chuan theihtawp chhuah mai tur kan ni. Kan Bible ngeiin a sawi kha, ‘Thawk peihlo chuan ei pawh ei suh se’ a ti, chutiang chiah chuan Rawngbawl peih lo chuan rawngbawl loh mai tur, theihtawp kan chhuah leh peih siloh ai chuan phat mai hi a tha zawk.
I tih theih tawk ti rawh:
Engpawh chu nise, Rawngbawltu kan ni emaw nilo emaw mahni hma zawna theihtawp chhuah mai tur kan ni. Biak In chhungah zai a tuilo kan ti, Kohhran kan hlimlo te kan ti. Theihtawp chhuaha kan zai hma chuan kan zai tui ngailo ang. Zai tui tur hian zaitu tam kher a ngailo. Theihtawp chhuahin zai theuh ila, kan zai kha Pathian in mal a sawm ang a, kan zai tui mai ang.
Conclusion:
Pathian hian theihna sang ber a duh a, I theihna hlan kha a tam leh tam loh (quantity) ah a teh lo a, theihtawp chhuah chunga I tih leh tih lohvah (quality) ah zawk a ni a en ni. Mari angin ALabasta bawm kan sawh keh pha ve kher lo a ni mai thei, mahse Hmeithai thawhlawm thawh ang zat lek theihna nei pawh ni ila, tih theih tawk a nih chuan chunglam khi a lawm tawk a ni.
Marka 14: 3 -9; Mat.25: 14-17ff; luk 21:1ff
Thuhma:
Simon-a: Simon-a tih awmzia chu ‘Pathian in a hria’ tihna a ni a, Bible ah hian he hming putu mi pakua (9) an lang a, tun tuma kan hmuh hi Phar Simon-a, Bethani khua-a mi a ni. Chanchintha Johana ziak ah hian heta thil thleng ang chiah hi Simon-a hming lang silo in Lazara, Mari leh Marthii te ina chaw ei angin a tarlang thung. Engpawhnise, Simon-a hi In neitupa ber niin alang a, Lazara-te pa (father) a ni mai thei.
Alabasta bura Nard hriak rimtui: Alabasta hi hriak bawm hming a ni a, hetiang hriak dahna bur hi lungno atanga siam a ni. Heng lungno hi hmanlai chuan Aigupta atangin an lalut thin.
Nard/Spiknard hi India rama thing chikhat Nardostachys jatamansi zung leh pil atanga an siam rimtui chi khat a ni a. Mi hausa ho in an hluta, a lakluhna a hlat tham avangin aman pawh ato hle. A hunlaiin Duli zathum man bawr vel anih thu kan hmu a, Duli hi Drachma, Grik ho pawisa hming a ni a. Rom-ho pawisa Denarius nen intluk thuak a ngaih a ni. Khatih hunlai khat nikhat hlawhfa rate hi Denarius khat a ni a, Rom sipai ho khan Denarius 20 vel thlakhatah an hlawh thin. Tunlai angah chuan Duli 300 chu Rs.1,20,000 bawr vel a nih hmel.
Isua Hriak Thih a ni:
Kalhlen kut leh Chhang dawidim telh loh Kut a hnai a, chutihrualin, Isua an phiarrukna pawh a hmawr an bawk hnai ve telh telh zel a. Isua erawh Bethani ah Jerusalem-atangin a riak phei leh thung a, hetah hian Simon-a inah a va thleng a ni. Chanchintha Bu-a kan hmuh angin Simona/Lazara-te in hi Isua’n in nghah nan ber a hmang thin niin alang. Lungngaihna hapta an hman pawh khan Isua leh a zirtirte hi Jerusalem-ah nitin an kal a, tlaiah Bethani-ah an haw leh thin a ni awm e. An in ngaina hle niin alang a, Lazara damloh thu an hrilh pawh khan ‘Lalpa, I hmangaih kha a dam lo ve” anti a. Tin, mikhual patling 13 vel dawl zo thei annih chuan Lazara-te chhungkua hi chhungkua awm thei tak leh mikhual lawm thiam tak anni ngei bawk ang.
Tichuan, zanriah an kil ta a, chutia an thut lai chuan thil danglam taka lo thleng a. Lazar-a unaunu mari alo lut a, alabasta bawmah nard hriak rimtui a rawn keng a, bur chu a ti keh a, Isua lu-ah chuan a leih ta a ni. Mari tih hmingpu hi Bible ah kan hmu nual a, Thuthlung Tharah hian mi pasarih lai kan hmu a ni. Mari tih awmzia hi ‘mara’ tih atang lo kal ‘kha’ tihna emaw ‘thau’ tihna emaw ani. Lazara farnu Mari hi a awmdan ngaihtuahin Pathian ngaihtuah keuh keuh chi niin alang.
Chutia Hriak rimtui man to lutuk, Branded perfume, mi hausa tak tak chauhvin an hman thin, intihtheihpui tham khawpa man to chu Mari’n a chhin pawh hawng lem lova a rawn sawhkek pawp mai chu Isua zirtir thenkhatte khan anlo ui ngang mai a, a rim lah chuan room chhung a nam chuk a, chutiang khawpa rimtui chu an vawikhat hriatna ani hial mai thei.
An lo uipui viau mai pawh kha a awm tho mai. Mari khan a chhin hawngin, a kutah tlem bun chhuak se, ren tak chungin Isua samah han chulh sela chuan sawisel pawh a tawk kherlo ang a, tin, Isua zirtirte lu-a te pawh han chulh kual ve dan dan tur a nia! Anni zin veivak nasa, thawmhnaw tha pawh nei zolo, vak kual reng reng tan chuan chutiang hriak rimtui han inchulh ve te pawh an chak a ni mahna!
Mahse, Mari lah chuan a rawn sawh keh a, a zavai mai chuan Isua lu ah a rawn chulh ta vek mai sia, a rim bak chan annei ve ta lo a ni. Tichuan, an phun deuh ta sep sep mai a, Isua lawmpui emaw Mari han fakna lam ai chuan chutiang thil manto chu hralh ila, mirethei hnenah pek a fuh zawk an rinthu te chu an lo phunpui a ni awm e.
Mari’n a tih theih tawk a ti:
Isua’n hnunglama an phun deuh sep sep thawm chu a hria a, a khak ta a. ‘Mari hian a tih theih ang chu a ti a ni’ lehlin hlui ah chuan ‘a tih theih tawk a ti a ni’ a ti. A hrim hrim in Isua zirtirte pawh hi an phunchiar ve reng reng. Patlinga pumpa, tlangval annih paw’n senior lam annih hmel a, perfume chungchang lo khel ve chiam chiam kha an inhmehlo. Kha leh chen Isua lo zui tawh, a thil mak tih pawh lo hmu a, a ropui zia pawh lo tem tawh an ni a, an hotupa, an boss tan chuan thil tha ber duhsak awm tak annih vei nen? Thik ang ziazangin hnunglamah an sawisep sep a, amak ngawt mai!
Helaia Isua tawngkam ‘A tih theih ang a ti/a tih theih tawk a ti’ tih hian Mari dinhmun a sawi chiang khawp mai. ‘tih theih ang/tawk tih’ awmzia chu ‘hei chu ka ti ve thei alawm, hei hi chu ka tlin ve alawm, ka tih ve tur a lawm’ tih satliah piah lam a ni. ‘Hei hi ka tih theih sang ber ani, theihtawp ka chhuah chunga ka tih a ni’ tihna a ni a, a awmzia berah chuan ‘Tihngaihna hriat tawh loh thleng rawka khawpa theihtawp chhuah’ anih ber chu.
Kan naupan lai hian kan zirtirtu pakhat hian ‘theihpaling kawh’ piahah hian ‘theihpa vit vawt’ a awm a tia. Chutiang ang deuh chu a ni. Mari khan theihtawp a chhuah a, a tihtheih sang ber Isua chungah a ti a, a lehpek a awm tawhlo. Tin, helai thu ‘a tih theih tawk a ti’ ‘ti’ tihlai tak hian rilru lama vei, chhungril lam tanga thahnemngaihna thlengin a kawk tel a ni. Hei tak hi a ni, Isua a duh a, a lawm em em nachhan chu.
Mari te kha chhungkua harsa lutuk chu annilo ang kan ti tawh a, mahse khatiang hriak rimtui man to, tunlai huna Rs. 1,20,000 bawr vel man tur han sawh keh pawp pawp tur khawp chuan an hausa biklo tawp ang. Isua tan alo inkhawl ang a, thil man to leh hlu lutuk chu lei tumin alo in hlawh ve tauh tauh pawh a ni mai thei. Rom sipai thlakhat hlawh kha Rs.8,000 bawr vel ani a, chuti anih chuan an kum khat hlawh ai paw’n a tam tihna a nih chu!
Chutiang khawpa nasa chuan Mari khan theihtawp a chhuah a, a bak beisei theih a awm tawhlo, han che leh chuang tur pawh a awm tawhlo, mahse, Isua lawm zawng tak thil a tih phah ta a ni.
I tih theih tawk I ti ve em?:
Kumin kalta ah hian kan tih theih tawk kan ti ve em? Hmeithai thawhlawm thawh thu te kha ngaihtuah ila, dar pawisa pahnih a rawn thlak a, a tlem a nia. (Luke 21:1ff) Khatiang dar pawisa 96 khan duli pakhat a hen a, tlem tak a ni. (Duli pakhat hi Rs 400 angin chhut tai la, dar pawisa pakhat hi Rs 4 bawr vel ani ang). Mari hriak rimtui ngaihtuah chuan Isua khan tlem ti viau awm tak a nia, mahse ‘a tih theih tawk a ni’ a tih sak tho. Mari leh hmeithainu te kha tlar khatah a thut tir tho. Eng nge a chhan? Anmahni tawkah theihtawp an chhuah ve ve vang a ni.
Kohhran mite pawh hi kan tih theih zawng, thiam zawng leh theih chen a in ang kherlo ang. Mahse, a pawimawh ber chu ‘theihtawp I chhuah em?’ ‘I tihtheih tawk I ti em?’
Rawngbawltu I ni: 2020 atan Kohhranin rawngbawltu a ruat chhuak leh ta a, kan pawm tlang niin alang. He rawngbawlna ah hian thenkhat chuan Mari tih theih anga nasa kan ti thei anga, thenkhat erawh chu hmeithainu thawhlawm thawh theih tawk lek pawh a niang. Mahse, atam leh tlem emaw, a to leh tlawm emaw, a nasat leh nasat loh lam nilovin kha rawngbawlna chanvo an pek ah che khan I tih theih tawk I ti em? theihtawp I chhuah em? tih kha kan Lal Isua tehna lek tur a ni.
Theihtawp chhuah lemlo, a run dala ti, ti hlawhtling ve hram hram zel chung hian rawngbawltu a nih ve reng theih. Mari aia hausa te chuan Alabasta bawm sawm pawh an sawh keh thei mai thei, hmeithainu aia thawh tam thei pawh kan kat nuk ang. Mahse, kan tih theih sang ber a ni em? Theihtawp kan chhuah em?
Thuhriltu te hian Pulpit tlangah theihtawp kan chhuah loh thu sawi nan inbuatsaihna leh inhlanna kan neih that loh thu kan la au pui zel dawn em? Tantu te hian kan hun chhuak te hi ngai pawimawh lovin kan inkhawm loh san zel dawn em? Sunday School zirtirtu te hian inbuatsaihna nei mumal lo leh thahnemngai lem lovin a bu kan chhiar chhuak leh puat puat mai dawn emni? Kohhran Hmeichhia, KTP, leh Pavalai Pawl hruaitute hian theihtawp chhuaha hruaitu hna thawh kan tum em? Committee peng hrang hranga ruat chhuah ho te hian a khat mawi tawka thurel satliah ah kan lungawi leh mai mai zel dawn em? Hawh u, theihtawp I chhuah ang u. Keimahni-a theihna sang ber, kan tih theih tawk ti chungin rawng bawl ila, Pathian in mal a sawm em em ang.
Tawng mawilo nilo se, Rawngbawltu chanvo pawimawh chelh si, ti tha peih silo, pha duh bawk silo hian a ni rawngbawlna ti thuanawp thin chu ni! Rawngbawltu inhlan kan nei leh ang, Biak In chhung khat deuh hmur in kan thu leh ang. Mahse, Kohhran inkhawm pangai ah erawh kan khat leh pharh ang. Rawngbawltu nihna ah kan pha silo anih chuan theihtawp chhuah mai tur kan ni. Kan Bible ngeiin a sawi kha, ‘Thawk peihlo chuan ei pawh ei suh se’ a ti, chutiang chiah chuan Rawngbawl peih lo chuan rawngbawl loh mai tur, theihtawp kan chhuah leh peih siloh ai chuan phat mai hi a tha zawk.
I tih theih tawk ti rawh:
Engpawh chu nise, Rawngbawltu kan ni emaw nilo emaw mahni hma zawna theihtawp chhuah mai tur kan ni. Biak In chhungah zai a tuilo kan ti, Kohhran kan hlimlo te kan ti. Theihtawp chhuaha kan zai hma chuan kan zai tui ngailo ang. Zai tui tur hian zaitu tam kher a ngailo. Theihtawp chhuahin zai theuh ila, kan zai kha Pathian in mal a sawm ang a, kan zai tui mai ang.
Conclusion:
Pathian hian theihna sang ber a duh a, I theihna hlan kha a tam leh tam loh (quantity) ah a teh lo a, theihtawp chhuah chunga I tih leh tih lohvah (quality) ah zawk a ni a en ni. Mari angin ALabasta bawm kan sawh keh pha ve kher lo a ni mai thei, mahse Hmeithai thawhlawm thawh ang zat lek theihna nei pawh ni ila, tih theih tawk a nih chuan chunglam khi a lawm tawk a ni.
Comments
Post a Comment